أحمد فلوكس يهاجم هاني شاكر ثم يتراجع – بالفيديو

Aug 11, 2020

احمد فلوكس يُهاجم هاني شاكر والفنانيين بعد وفاة اليوتيوبر الصري مصطفى حفناوي

هاجم أحمد فلوكس الفنانين ونقيب الموسيقيين في مصر الفنان هاني شاكر والسبب اليوتيوبر المصري الراحل مصطفى حفناوي الذي طالب عدة مرات بمساعدة للحصول على العلاج لكن لم يزره سوى الفنان المصري تامر حسني.

ليقول أحمد فلوكس : " أبويا علمني مغلطش في حد كبير، وأنا معرفش مصطفى حفناوي، ولكن متابع حالته من عدة أيام، محدش زاره غير تامر حسني لأن تامر راجل، بقاله 7 أيام يناشد عايز يتعالج، مسمعناش عن اللي كتبوا عنه في طبق اليوم، دلوقتي كله الله يرحمه، كله بما فيهم الأستاذ الفاضل الكبير هاني شاكر، اللي قال أنا معرفوش بس قلبي وجعني، طب قلبك موجعكش وهو مش لاقي مستشفى تستقبله وهو عنده جلطة في مخه؟".

ليكمل : " اتقوا الله كفاية متاجرة بالبني آدمين، كفاية، إيه دا إيه دا، ما كان بقاله 6 أيام مش لاقي حد يعالجه أو يساعده، اللي عرف الناس القصة لما تامر حسني راح زاره، دلوقتي بقى كله فاكره، أستاذ هاني شاكر هو تامر حسني النقيب ولا أنت، اتقوا الله، انتو بتاجروا بموت بني آدم، دا شاب وصغير، الناس اللي كاتبين الله يرحمه الفنانين والفنانات والمنتجين كنتوا فين وهو يوتيوبر وكان عايز يمثل، وهو بيروح من الكرفان دا للكرفان دا وعايز يمثل، مخلتهوش يمثل ولا يبقى فنان ليه".

وأضاف : " ولا لما مات افتكرتوه، إيه دا، طيب مش انتو زعلانين عليه، أنا بطالب كل اللي كتب الله يرحمه إنه يروح يبني جامع باسمه مدام انتو رجالة أوي كدا، احنا في زمن غريب".

لكن بعد ما نشر أحمد فلوكس هذا الهجوم نشر مقطع فيديو قصير له اعتذر فيه للفنان هاني شاكر لافتاً إلى أنه لم يكن يقصد ما قال ولكنه ألقى اللوم على كل من نعى مصطفى حفناوي ولكنهم لم يعرفونه. وأكد فلوكس، أن الفنان هاني شاكر، قامة كبيرة، وصديق لوالده، وهو يكن له كل احترام وتقدير.