رسالة من حنان ترك للمتنمرين.. ماذا قالت؟
- حنان ترك: البيت الصغير بيسترك والقصر الكبير بيسترك.. مش هناخد حاجة واحنا رايحين ع القبر
- كفاية اهتمام بالمظاهر وكفاية اهتمام بالشكل والفلوس
قالت الفنانة المعتزلة حنان ترك في رسالة وجهتها للمتنمرين واشتملت على عدد من النصائح للأشخاص الذي يعانون في حياتهم عبر صفحتها على “فيسبوك”، وأرفقتها بصورة جمعتها بزوجها رجل الأعمال محمود مالك "هترتبطي بواحد علشان فلوسه هتلاقي قلبه مفلس حُب… وأنت هترتبط بواحدة علشان شكلها هتلاقي قلبها مليان قسوة، ساندوتش الفول بيشبع وترابيزة عليها أكل بـ1000 ج بتشبع.. وبطنك مش هتعرف الفرق”.
إقرأ أيضاً هاني شاكر يوجه سؤلاً للجمهور: أنتم بتشتغلوا امتى؟
وأضافت: “لابس هدوم ماركة بتستر جسمك ولابس هدوم من السوق بتستر جسمك.. وجسمك مش هيحس بالفرق، راكب عربية موديل السنة هتقضيلك مشوارك والعربية القديمة برضو هتقضيلك مشوارك.. ورجلك ف الحالتين هترتاح”.
وتابعت: “البيت الصغير بيسترك والقصر الكبير بيسترك.. وف الأول والآخر مش هناخد حاجة وإحنا رايحين ع القبر”.
واختتمت حنان ترك منشورها قائلةً: “كفاية اهتمام بالمظاهر وكفاية اهتمام بالشكل والفلوس وكفاية نقص وظلم بنطلعه ع الضعيف أو اللي شكله وحش أو اللي مُش معاه.. الشبع في العين مش في البطن والغنى في النفس مش في الجيب”.
إقرأ أيضاً الفنان أحمد فلوكس يعلن توبته.. ويطلب من الجمهور مسامحته
وكانت الفنانة حنان ترك قد طلبت من متابعيها في بث مباشر أن يساعدوها في التبليغ عن أي حساب أو صفحة تنتحل صفتها على موقع التواصل الاجتماعي “فيسبوك”، قائلةً: “لا أملك أي حساب إلا هذا الحساب الرسمي الموثق”.