غنى أبو حمدان ترد على حملة النقد التي تعرضت لها

بعد انتشار صورة لنجمة (ذا فويس كيدز) غنى أبو حمدان على مواقع التواصل الاجتماعي تعرضت الى انتقاد كبير بسبب التغير الكبير بشكلها عما كانت عليه قبل 5 سنوات 

خرجت غنى عبر السوشيال ميديا لترد حيث قالت : " شكلي بس اقرأ تعليقات كيف كبرت غنى كنت أكبر منها. كيف صارت أكبر مني. بيكفي سخافة وقد ما عملتولي تاغات مارح رد. خلص أنا غنى العملاقة الصغيرة امبارح غنيت اعطونا الطفولة نمتوا فقتوا لقيتوا عمري 14 سنة معقول"

وأضافت : ( كيف هيك كيف كبرت لازم أتقلص وأصغر كيف هيك؟ لازم من وقت خلص البرنامج من خمس سنين ارجع أصغر. لازم يكون عمري هلق 3 سنين كيف هيك كبرت لحالي وكل العالم بتصغر. مسخرة ما؟ بتمللوا ما؟ لكل يلي صغروا وأنا كبرت الناس مقامات يبدو).

وتابعت غنى أبو حمدان : ( صباح الخير من جديد. أول شي بدي اشكركم على دعمكم وتفاعلكم واهتمامكم من قلب قلبي شكراً لمحبتكم. بخصوص آخر بوست نزلته قصدت فيه الناس المسيئين يلي بتكتب تعليق بطريقة غير محترمة وبتسيء ماعممت).

وأكملت : ( بتفهم تفاجئكم لاختلاف شكلي بس أنا متل ما أنا بعدني غنى يلي حبيتوها كبرت وعم أكبر على محبتكن وعم تابع دراستي والاهتمام بالموسيقى وخلصت من فترة تسجيل سينغل جديد قريباً رح تنزل و فيكم تشوفوا على تطبيق يوتيوب قناة الطفولة حياة الموسيقية كل اعمالي الغنائية من لما طلعت من برنامج ذا فويس كيدز لليوم.. مر على التجربة خمس سنوات وليس أربع سنوات. أكيد رح أكبر وعم أكبر بمحبتكم ودعمكم الي وأهلا وسهلا فيكن جميعاً على حسابي الرسمي وللتعليقات المسيئية بعتذر إنو رح أعمل بلوك وهاد ردي الوحيد رح يكون شكراً).