تحت شعار "شو عملتو بأولادنا".. مسيرة في لبنان للأمهات في عيدهن

تستمر المظاهرات في لبنان ضد شرائح الحكم السياسي ولا سيما المتحكم البارز في البلاد حزب الله، وقبيل عيد الأم بساعات خرجت مسيرة للأمهات في بيروت تحت شعار "شو عملتو بأولادنا"، حيث انطلقت من ساحة بشارة الخوري حتى وصلت إلى أمام ساحة بلدية برجا، وطالبت الأمهات بإسقاط النظام ومحاسبة الفاسدين، وإكمال التحقيق في جريمة انفجار مرفأ بيروت.

"بالنسبة لمستقبل ولادنا، هيدا بلد قادر يأمن مستقبل ولادنا، نحن بدنا بلد حيادي ومستقل ونسترجع له سيادته، أول شيء الأولاد الموجودين هون يلاقوا فرص عمل، والأولاد اللي هاجروا واللي بعدهم عم يهاجروا يقدروا يرجعوا، مين مسئول 

عن انفجار المرفأ أفتكر كل العالم صار يعرف مين مسؤول عن انفجار المرفأ، حزب الله هو المسئول عن انفجار المرفأ، والقضاء واضح أنه القضاء ما عم يتقدم ولا خطوة بهيدا الموضوع، لأنه الخاطف اللي هو حزب الله، خاطف حتى القضاء، وحتى خاطف القرار المستقل تبع القضاء".

" بدنا بقى نعيش، ما بدنا شيء نحن نزلنا من أول يوم مشان حقوقنا يعني، بدنا كهرباء، شو عم نطلب، عملونا تابعين للسفارات، عملونا نحن مجرمين، قوصوا علينا، وبعدين يعني صار لنا سنة ونص بالشارع يعني، والحياة عم ترجع لورا".

"نحن أتمنى نواب ووزراء حتى هن يقوموا بالمهمة، حتى هن يحملوا رسالتنا حتى هن يوصلونا لبلد مش سهل، سيد حر مستقل، نحن خلقنا بالحرب، أنا من الجيل تحت رصاص، لأنهم بيحبوا هيدا الوطن، بدن يضلوا بهيدا الوطن، ونحن كمان تجوزنا وعم نربي ولادنا، كمان بعدنا بذات الفساد، بذات الإجرام، بذات عدم المسئولية، تحمل المسئولية، ما بدنا نفل، ما بدي أخذ أولادي كمان، أنا عم ناضل ما بدي أخد أولادي كمان فل برا، يتركونا بسلام، يشتغلوا شغلن، يحملوا مسئولية هيدا البلد".

" كلن كذابين، كلن حطمونا، خربوا لنا بيوتنا، رجالنا قاعدين ببيوتهم، رجالنا بلا شغل، الحمد لله بعد قادرين شوي نأكل، بس في ناس ما ربطة خبز ما قادرين يشتروا، بس بنقلن منكن لله".

"في سلطة فاسدة متحكمة بكل مفاصل البلد، بكل مفاصل 

الدولة، هيدي دولة صارت مهرية، مطلوب تغيير مش النظام، تغيير هدول الكراكيب الحجار، يلي هن متحكمين بالنظام، مطلوب أول شغلة معاقبتهن ومحاسبتهن، عن كل الجرائم يلي ارتكبوها بحق الإنسانية، وبحق هيدا الوطن".