web statisticsvisitor activity monitor
X
"شكراً" لـ عمرو دياب تتسبب بخلاف بين رامي صبري، تامر حسين وعزيز الشافعي

"شكراً" لـ عمرو دياب تتسبب بخلاف بين رامي صبري، تامر حسين وعزيز الشافعي

أخبار المشاهير

أغنية جديدة للفنان عمرو دياب تُسبب خلاف بين رامي صبري وعزيز الشافعي

أثار رامي صبري الجدل بعدما نشر بوست على الإنستغرام، أعلن من خلاله عدم التعاون مع عزيز الشافعي مرة أخرى بسبب أغنية "شكرا" التي غناها عمرو دياب في ألبومه الأخير "يا أنا يا لاء"، وكتب "لتاني مرة الملحن عزيز الشافعي ياخد اغنية واحنا شغالين فيها ويروح يديها للفنان عمرو دياب لذلك قررت عدم العمل معه مرة أخرى شكرا كده للي سبنا.. زي ما انتي". 

7b6c4d22-f66e-40ea-883f-f0525dad7b47

وتراجع رامي صبري عن منشوره، بعدما شارك كل من تامر حسين وعزيز الشافعي بوستات عبر حساباتهم الرسمية على الفيسبوك، فكتب عزيز "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان و بيزود رصيده مع الناس ، بيعز عليا بعد كدة يقلل منه حتى لو تجاوز و رغم إن كلامه كله (مالوش أي أساس من الصحة).

 احب دايما اشوفه ناجح و بيكمل اللي عملناه و بشكره على استجابته لطلبي و قراري الشخصي الي بعتهوله الصبح من خلال صديقنا المشترك محمد حامد  بأننا متشتغلش تانى و نكتفي بنجاحاتنا.. و بعتذر للسادة الصحفيين اللي بيتصلوا  بيا مش عايز ادي الموضوع اكبر من حجمه ويكتفي بالبوست ده و بالكلام المحترم اللي كتبه زميلي و شريكي تامر حسين  على صفحته عن أغنية شكرا  ، اما بخصوص زي مانتي ف ممكن ترجعوا للصديق المشترك محمد حامد و تسألوه  وشكرا  لحد كدة".

23963cf2-fd5c-43c4-8ce8-f19cbc6395b9

وبعدها رد تامر حسين علي كلام رامي، وقال "أولاً ليه بنجيب وبنقحم دايماً أسم (عمرو دياب) فى جُملة مفيدة ؟ ايه الغرض ؟ ثانياً... توقيت البوست لما الأغنية انتشرت وكسرت الدنيا بالتفاعل وإقبال الناس عليها  والإشادة بيها يعنى ليه الكلام ده مكنش فى أول يوم مثلاً؟   ده لو فعلاً الكلام على حق ثالثاً... اللى اتعلمته ومن أدبيات المهنة ولازم الناس كلها تفهمه فكرة الذوقيات يعنى ايه ؟ يعنى نبارك لبعض نهنى بعض مش نتهم الناس فى عز نجاحهم بالباطل  لما أى مُطرب فى الدنيا بتعجبه اغنية المؤلف والملحن  بيعملوا (تنازل عن حقوق الإستغلال  )للمطرب طالما ماحصلتش الخطوة دى من زمان تبقى الأغنية ملك الشاعر والملحن لحين إختيار الأفضل وارد جداً تسمع مطرب زميل اغنية من سنة سنتين ولضعف  الرؤية الفنية متتخيلش نجاحها  ده اللى بيفرق مطرب عن مُطرب ف سُرعة إتخاذ القرار  أنا شايف ان فى تجنى على حق المُلحن عزيز الشافعى أدبياً ومعنوياً  دى شهادة حق ومش شايف تماماً اى داعى يسمح بالكلام والصراعات دى".

وأضاف تامر حسين "و للمرة المليون الناس المُحترمة ما تعلنش مشاكلها فى العلن عيب فى خصوصيات مايصحش ندخل الجمهور فيها ونتهم ناس محترمة بالباطل اكيد مش هنزل فويس نوت نستشهِد بيها واحنا (أصحاب الحق ) وربنا يهدى وأخيراً ياما ناس سمعت اغانى من سنه وسنتين ومكنش ليهم نصيب فيها معملهاش اللى بيتعمل ده لما الأغنية تنجح بالعكس فرحوا واتمنوا انها ياريت لو كت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تانى مش عايزين   الموضوع ياخد أكبر من حجمه هى شُهرة ل الأغنية أكتر بس مابحبش الطريقة دى من الشهرة". 

IMG-7286

ورد رامي على بوست تامر " ومين اللي قالك الأغنية دي تكتبها يا محترم ياللي دخلت نفسك وكتبلي بوست طويل عريض. مين اللي بعتلك الأغنية تكتبها؟ ورؤية ايه اللي بتتكلم عنها وانتو واخدين الرؤية بتاعتي من الموزع نفسه. لو حضرتك عندك رؤية معملتهاش ليه مع موزع تاني غير وسام؟ دخلت نفسك ودافعت عن الغلط يغلط وخسرت واحد كان بحبك وبحترمك جدا للأسف.. حتى لما كلمتني عن تحدي عمرو دياب انا اول واحد عملته لك وكان ممكن اقول لا. بس علشان كلمتني مردتش اقول لا. شكرا يا تامر على كلامك عني مع جمهورك المحترم وردك غير مسؤول منك كشاعر كبير وأخ وصديق وعمري ما تخيلت منك كده".

a3e6b92c-896e-46a6-bc60-3119bc8d228e



أيضاً في هذه الحزمة


الأكثر شيوعاً

معلومة ذهبية: نقع الأرز لـ 4 ساعات يخفض مستويات السكر في الدم
معلومة سريعة

معلومة ذهبية: نقع الأرز لـ 4 ساعات يخفض مستويات السكر في الدم

علم الأردن يرفرف عاليًا في شعار "جوجل" بمناسبة عيد الاستقلال الـ 78
أخبار دنيا

علم الأردن يرفرف عاليًا في شعار "جوجل" بمناسبة عيد الاستقلال الـ 78

أغرب حالة طلاق .. مهندس يطلق عروسه في اليوم التالي للزفاف والسبب لون عينيها!
أخبار دنيا

أغرب حالة طلاق .. مهندس يطلق عروسه في اليوم التالي للزفاف والسبب لون عينيها!

أحدث الأخبار

قد يعجبك أيضاً

البث المباشر

تحديثات الطقس