نشرت الإعلامية الأردنية علا الفارس صورة جديدة لها عبر الإنستغرام من زفافها، وكتبت عليها كلمات معبرة أنهت بها عام 2021 وبدأت العام الجديد 2022 بتلك الكلمات.
وكتبت على الصورة معلقة: " سنة 2021... سنة بدأتها على الصعيد المهني بتحقيق حلم برنامج الجانب الآخر.. رغم انه كل مشروع أو برنامج اشتغلته بحياتي هو قطعة من قلبي بس هذا البرنامج كان التحدي الأكبر لعدة أسباب أهمها انه كان طموح وحلم يتوج رحلة عشرين سنة من العمل والاجتهاد الرضا وعدم الرضا عن رحلة اعداد وتقديم طويلة بين محطات عدة وكنت دائما اقول رح يجي يوم واعمل البرنامج الي يشبهني بكل تفاصيله …
وتابعت : " والحمدلله من خلاله اشعر برضا مهني غير مسبوق وفرحة مع كل حلقة بين الوصول للضيف البحث في تفاصيله واختيار الجانب الآخر لإبرازه التصوير والمونتاج والتفوق على كل تحدي بواجهنا … مهنيا بقدر اقول كان عامي الأفضل على الإطلاق
وأضافت: "اما على الصعيد الشخصي كانت سنة النضوج و الرضا والاستقرار العاطفي .. سنة عرفت فيها انه مافي شي بيتأخر .. كل شيء بيجي بوقته لما نكون جاهزين اله على كل المستويات اهمها نفسيا وعاطفيا ..
سنة جمعتني بشخص يشبهني بكل شيء في رحلة هالحياة والبحث عن النجاح وتطوير الذات .. شخص عاش معي ٢٠ سنة من التحديات .. لما فرحت كان فرحان .. لما بكيت كان زعلان … كل واحد كان مش شايف شي غير طموحه ونجاحه وتارك حلم تأسيس العيلة ليلتقي الشخص الصح ..
مرينا نفس الشوراع .. قعدنا كتير بنفس الأماكن .. جمعتنا الحياة كتير بس عمري ما كنت شايفته …
هالسنة ربنا كتب نرجع نلتقي واشوفه غير عن كل مره ليكون شريك حياة ..
و وجهت رسالة لـ جمهوها "صار الوقت لتعيشوا الحياة بحب واطمئنان وتذكروا كل شيء بيجي بوقته الصحيح .. اشياء كثير حلوه بتنتظر وصولنا لمرحلة النضج والتقدير لتكون النا ونعرف قيمتها …انتوا مش لحالكم في حد بستنى فيكم بس اللحظة المناسبة ما اجت .."
View this post on Instagram
وختمت: " هالكلام الطويل بكتبه لكل شخص مقهور او زعلان او مش مبسوط ..
على الصعيد المهني انا مثلك يوما ما ضعت ورجعت لقيت طريقي، ولقيته احلى بكثير من الي زعلت عليه ..
على الصعيد الشخصي انا مثلك انخذلت انجرحت تعبت ..انأذيت .. بس اليوم الحمدلله عرفت معنى الأمان والراحة و الإستقرار
نهاية الكلام ما في شي بدوم على حاله .. وجعنا اليوم رح نضحك عليه بكره .. واحلامنا اذا ما تحققت اليوم لسه في بكره .. افرحوا انبسطوا حبوا الحياة ولا تسمحوا لشيء يسرق منكم السعادة او يخوفكم او يقلقكم اولها أنفسكم.. ما تقسوا على حالكم نصيحة مجرب …
والله يبعتلكم ايام بتشبه قلوبكم ♥️... عام سعيد على الجميع... الكلام طويل بس من قلبي ?
وفي الختام .. مثل كل سنة الكم كل الحب والتقدير عشتوا معي عمر كبرت معكم وفيكم .. وكبرت احلامي وصارت حقيقة ❤️??
بحبكم ♥️
وكانت قد أعلنت في الفترة الأخيرة عن عقد قرانها و زواجها من شاب مسلم من أصول بريطانية، وكشفت ذلك بعد الشائعات التي انطلقت حولها بأنها تزوجت من شخص بجنسية إيرانية.
View this post on Instagram





