زينة: "أحتقر كل سيدة لا تستطيع العيش بدون راجل"

• هل تستطيع زينة العيش بدون رجل؟
• زينة بتصريحات جديدة مع عمرو أديب

عبّرت الفنانة المصرية زينة عن استيائها الشديد من فكرة أن المرأة لا تستطيع العيش بدون ارتباط، وأشارت إلى أنها "تحتقر" جملة "الست ما تقدرش تعيش من غير راجل".

وقالت زينة في تصريحات تليفزيونية إنها لا تسعى للارتباط في الوقت الحالي، مؤكدة أنها تستطيع القيام بواجباتها الحياتية بنفسها ورعاية أبنائها، وقالت: "أكره جملة ان الست ما تقدرش تعيش من غير راجل، وبعدت عن وحدة صاحبتي بسبب الجملة دي… أنا الكلمة بحتقر أي حد بقولها.. اخدمني نفسك، لأن إحنا بني آدمين قادرين نعيش ونصرف على نفسنا، ولازم المرأة تتحمل مسؤولية إنها بقيت أم ولازم تبقى جدعة وتربي عيالها صح، والست ممكن جدا تعيش من غير راجل، ولكن لو فيه راجل صح وكويس يبقى افضل".

إقرأ أيضاً ياسمين صبري في لقائها الأخيرةممكن ماردش على السؤال ده وهذا ما قالته عن الأمومة

وأضافت: "مش فارق معايا أن يكون في حياتي راجل يصرف عليا وعلى أولادي، وممكن يكون الست متجوزة شخص بخيل وكسول هنعمل بيه إيه بقى، وأنا عمري ما جاتلي هدية من حد، ومفكرتش أن يكون فيه راجل في حياتي يصرف عليا وعلى ولادي".

وأكدت زينة: "لو الأب والأم هيكون بينهم مشاكل يبقى بالسلامة واللى يقدر يشيل المسؤولية هو اللي يتحمل مسؤولية التربية والرعاية، وأنا شبعانة حب يكفيني ويكفي عيالي".

إقرأ أيضاً أصالة نصري تخلع حذائها على المسرح في حفلتها الأخيرة

وتابعت الفنانة المصرية: "عايزة أعجز بسرعة علشان أشوف ولادي يكبروا وأشوفهم في الجامعة وناجحين، وعن نفسي بعمل لهم كل حاجة، وبشتغل وبوصلهم المدرسية وبذاكر لهم، والإنجليزي بتاع 4 ابتدائي لسه مش صعب عليا وانا أصلًا كنت في مدارس فرنساوي".