أكدت الفنانة المصرية شيماء سيف أنها لن تقبل الصلح مع الفنانة إنتصار بعد الموقف الذي وقع بينهما بسبب برنامج نفسنة، وذلك بعد الإساءة التي وجهتها الفنانة إنتصار للفنانة شيماء سيف.
وتحدثت شيماء سيف عن ذلك الخلاف وعدم قبولها الصُلح خلال ظهورها الأخير في أحد البرامج التلفزيونية مع الإعلامي السعودي علي العلياني.
شيماء سيف: لن أقبل الصلح مع الفنانة انتصار! @Ali_Alalyani#مراحل_شيماء_سيف#قناة_SBC pic.twitter.com/TWzUChIA4V — مراحل مع علي العلياني (@stvMarahel) April 13, 2022
وقالت إنها سمعت مذيعات البرنامج يتحدثن عنها بشكل شيء، قائلة: سمعتهم بيقولوا وقتها وبعدين هنعمل فيها ايه دي.. وواحدة تانيه قالت عليا إني بدأت أتحكم فيهم وأغير مواضيع الحلقة، وعشان تطيرني قالت عليا إن أنا بتأخر ومقصرة في شغلي
ولفتت إلى أن أكثر ما آلمها هو الحديث حول أنهم يستطيعون جلب بديلة لها، قائلة: حد قال إن إحنا نقدر نمشيها ونجيب أي واحدة تانية.
وبالنسبة لأزمة خلافها مع الفنانة انتصار، قالت: "إحنا مش متخانقين وبنسلم على بعض وبنتكلم عادي لما بنتقابل، لكن أنا ماقبلش الصلح معها عامة.. ومستحيل اشتغل معاها تاني".
حدث أزعج شيماء سيف💔@Ali_Alalyani#مراحل_شيماء_سيف #قناة_SBC pic.twitter.com/6TRuRxgJQ9 — مراحل مع علي العلياني (@stvMarahel) April 13, 2022
و قالت شيماء سيف: "كان المفروض أخد بعضي وأمشي بس أنا مقدرتش، فروحت فاتحة عليهم باب الأوضة وقولتلهم أنتوا مش محتاجين تعملوا كل ده أنا كده كده ماشيه وسيبالكوا البرنامج من غير ما تخترعوا عليا قصص".
بعدها رجعت على أوضتي تاني وحسيت إني منهارة وماكنتش عارفه أكلم مين، وقتها سمعت واحدة فيهم بتقول اكيد سمعت فردت عليها التانيه إنه أكيد لا، روحت واخده شنطتي وفتحت عليهم الباب وقولتلهم لا سمعت.