web statisticsvisitor activity monitor
X
بعد مشاكلها في الإعلام...ريهام سعيد تعتزل الإعلام وتتجه للتمثيل

بعد مشاكلها في الإعلام...ريهام سعيد تعتزل الإعلام وتتجه للتمثيل

أخبار المشاهير

بعد تردد طويل أعلنت ريهام سعيد، اعتزالها العمل الإعلامي نهائيا، لتحقيق حلمها في مجال التمثيل، مؤكدة أن القرار متأخر، ولكن يجب اتخاذه الآن قبل فوات الآوان، لافتة إلى تجارب زميلات لها لم يحققن النجاح في التمثيل إلا بعد الابتعاد عن مهنة الإعلام نهائيا منهن دينا الشربيني ودينا فؤاد وداليا البحيري وبسمة.

ريهام أكدت أنها فكرت كثيرا قبل إعلان قرارها، وقالت عبر حسابها بموقع إنستقرام: فكرت كتير قبل ما أكتب البوست ده، أنا اعتزلت التمثيل سنة 2015؛ لأني حسيت إن صاحب بالين كداب، وإن التمثيل مأثر على مسيرة الخير اللي ابتديتها من سنين طويلة، عشان الوقت والمجهود اللي بعمله، لكن عشقي للتمثيل اللي هو دراستي ومهنتي الأولى قبل الإعلام، رجعت أمثل تاني، وأنا لسه في نظر المخرجين والمنتجين مذيعة عايزه تمثل.

 
 
 
View this post on Instagram

A post shared by Reham Saeed (@rehamsaidofficial)

وأضافت: كنت عارفة إني عشان أخد مكان كممثلة؛ لازم أسيب الإعلام، زي- مع حفظ الألقاب- داليا البحيري وبسمة ودينا فؤاد ودينا الشربيني" وغيرهن، بس مكنتش قادرة أسيب رسالتي اللي كانت مهمة أوي وقتها.

وواصلت ريهام سعيد: أنا حصلت لي مشاكل كتير من المهنة دي، بتأثير باطل من السوشيال ميديا من منافسين وأعداء، أنا تعبت وحاسة إني قدمت كل اللي ممكن يتقدم، والدولة عامله اللي عليها، ومش محتاجين دور المجتمع المدني في مساعدة الناس، ولكن أنا ليَّ الشرف إني اشتغلت في المهنة العظيمة دي، اللي ليها رسالة سامية وعظيمة، وليَّ الشرف إني كنت إعلاميه في أصعب وقت مر على الإعلاميين أيام حكم الإخوان، والحمد لله كان لينا موقف واضح وما اتغيرش ولا دقيقة.


إقرأ أيضاً: "طبيب ياسمين عبد العزيز:"مرضها ليس سحراً أسود وستُغادر المُستشفى قريباً


وتابعت قائلة: أنا الحمد لله حققت كتير في التمثيل، وكل اللي اشتغلته علِّم مع الناس، واشتغلت أعمال كلها قيِّمة، بس بعد ما جالي السكر وشوية مشاكل تانيه؛ قررت أعمل اللي بحبه، أنا بكل أسف بعلن اعتزالي الإعلام تماما، وهركز كممثلة، وهاطلب من الدكتور أشرف زكي إنه يساعدني إني أغيَّر الفكرة الموجودة في أذهان المخرجين والمنتجين إني مذيعة.

وأكملت ريهام سعيد منشورها: رسالة للأستاذة كاملة أبو ذكري، ومش مكسوفة، نفسي أوي أمثل معاكي، حتي لو مشهد، ده من أحلامي، خطوة صعبة وفيها ريسك كبير، بس على الأقل أجري ورا حلمي حتى وأنا في السن ده.. جه الوقت إني أستمتع باللي بعمله وبحبه، خصوصا لما يكون في عَصر ولا فيه واسطة ولا محسوبية، اللي هيجتهد هيوصل.


إقرأ أيضاً: حلا شيحة خارج المهن التمثيلية بعد هجومها على تامر حسني - صور


واختتمت ريهام سعيد بيانها قائلة: ماتسيبوش حِلمُكم مهما فات الوقت، بشكر جمهوري من الأمهات والشباب والأطفال اللي دايما بيدعموني، وحبوا برامجي واتعلموا منها، وبشكر ربنا على 20 سنة، اداني الفرصة فيها إني أقضي حوائج الناس، وأقدم كل ما هو مفيد، فخورة بكل حلقة، وبكل حرف قدمته، 20 سنة تعب وسهر وتصميم على تقديم الحقيقة، أنا آسفة ليكوا، بس التمثيل رسالة برضو، وهو حلمي الأساسي اللي اتأخرت أوي عشان أحققه، يا رب وفقني وساعدني.

يذكر أن ريهام تعاقدت مؤخرا على المشاركة ببطولة مسلسل "السيدة زينب" للنجمة سوسن بدر المقرر تصويره ما بين القاهرة وبيروت، وتجسد ريهام شخصية سمية، ويشارك في بطولة المسلسل دينا، احمد وفيق، محمود عبد المغني، فراس، أشرف عبد الغفور ومن اخراج محمد النقلي.

أيضاً في هذه الحزمة


الأكثر شيوعاً

اليوم مش يومك يا مولود الحمل .. توقعات الأبراج لليوم 25 مارس 2024
فلك وأبراج

اليوم مش يومك يا مولود الحمل .. توقعات الأبراج لليوم 25 مارس 2024

سهلة وبتشهي .. وصفة العوّامة بالشوكولاتة - فيديو
وصفة دنيا

سهلة وبتشهي .. وصفة العوّامة بالشوكولاتة - فيديو

فوائد ومحاذير: هل الشوربة خيار صحي في رمضان؟
تغذية

فوائد ومحاذير: هل الشوربة خيار صحي في رمضان؟

أحدث الأخبار

قد يعجبك أيضاً

بعد التكريم الملكي .. موسى التعمري يؤم بالمصلين في صلاة التراويح - فيديو
أخبار المشاهير

بعد التكريم الملكي .. موسى التعمري يؤم بالمصلين في صلاة التراويح - فيديو

البث المباشر

تحديثات الطقس