عمر كمال : "توقفت 9 شهور وتعلمت الأدب"

صرح عمر كمال خلال مشاركته في برنامج "الحكاية" مع الاعلامي عمرو أديب "أنا اتوقفت 9 شهور قبل كده اتعلمت فيهم الأدب بسبب لفظ في أغنية بنت الجيران، ورغم انى عملت أغانى حققت ملايين المشاهدات على اليوتيوب مقدرتش أمسك فلوس من الغناء اللايف، ولكن خلاص مضيت إقرار في النقابة بأنى مش هاقول أي كلام خارج وأى أغانى أعملها بعرض كلماتها الأول وأخد موافقة عليها". 

ومن جانب أخر تعرض مغني المهرجانات المصري عمر كمال للانتقادات والهجوم والسخرية من رواد مواقع التواصل الاجتماعي، بعد آدائه أغنية «أنا مش عارفني»، للمطرب الشعبي عبد الباسط حمودة في برنامج "الحكاية" مع الاعلامي عمرو أديب.
وكتب عمر كمال عبر حسابه الخاص على التواصل فيس بوك، قائلا: "أنا فاهم وعارف حتتي كويس أووي اللي بغنى فيها، ومفيش مطرب خلقه ربنا بيغني كل ألوان الغنا بنفس التمكن والشطارة، هتلاقيه مؤدي في حتة ومطرب شاطر في حتة، وربنا خلق أصواتنا ومساحاتها غير بعض خالص، بس كل واحد ليه بصمة ولون وطعم وإحساس غير التاني".

إقرأ أيضاً: عمر كمال يتلقى هدية درع وسيارة من عائلة سعودية - صور

وأضاف "أنا مش مطلوب مني أغني لحن مش بتاعي ومش شبهى ومش مساحات صوتي فطبيعي هغنيه على استحياء وكمان لما يكون صاحبه موجود وبيغنيه بقاله 20 سنة يوميا أكيد هيقوله أحسن مني 100 مرة،
كوني غنيت حاجة مش بتاعتي وآدائي فيها كان مش كويس فده لا يقلل مني وأنا قولتها إرضاءا للطلب ولما صاحبها غناها معايا أكيد غناها أفضل مني لأنها بتاعته ومساحته وشكله فده أمر طبيعي".

ومن الجدير بـ الذكر أن عمر كمال عبر عن دعمه بـ قرار نقابة الموسيقيين المصريين الأخير بمنع عدد من مطربي المهرجانات من الغناء في مصر.

عمر كمال هاني شاكر عبدالباسط حمودة مهرجانات

أيضاً في هذه الحزمة