Sep 20, 2022
هاجم الفنان المصري أحمد فلوكس المطرب والفنان محمد رمضان بسبب سخريته من والده بسبب تجسيده دور "صبي الراقصة" في أحد أفلامه القديمة.
وكان قد قال الفنان محمد رمضان خلال لقاء تلفزيوني مع الإعلامية نجوى إبراهيم: "في فنان كبير عمل أشياء أرفض أن أفعلها، وكان بيعمل أدوار صبي عالمة، ولو هشحت مش هبقى زيه رغم أن هو فنان قدير".
ومن جهته، رد الفنان أحمد فلوكس على محمد رمضان عبر حسابه الخاص على الفيسبوك، لـ يكتب قائلًا: "شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان".
وأضاف: "نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".
وتابع رده: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان".
وختم هجومه: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".
.jpeg)
Facebook
GMail
Telegram
Email
Tumblr
Twitter
Skype
Line
LinkedIn
