فيفيان مراد و جرعة إحساس عالية : لا تبكي يا بيروت يا بنت حلوة يا قلبو للبنان - فيديو

تحدث اللبنانية فيفيان مراد لدنيا يا دنيا عن اغنيتها الجديدة وعن قصتها مع انفجار بيروت

أصدرت النجمة اللبنانية فيفيان مراد عملها الجديد "لا تبكي يا بيروت" العمل المليء بالإحساس والذي يعبر عن جرح كبير بعد تعرض بيروت لإنفجار المرفأ، كنا معها بهذا الحوار الخاص ب"دنيا يا دنيا" للتحدث معها عن العمل وعن حقيقة تعرضها للأذى بعد إنفجار المرفأ والكثير من المواضيع.

حوار : عمر حديدي.

س: مبروك صدور عملك الجديد لا تبكي يا بيروت حدثينا  عن هذا العمل ؟!

ج: شكراً كتير ، هيدا عمل متل الطفل الصغير بالنسبة الي ، عاملناه بكل احساس و طلع من نص قلبي لأنو بيخص بلدي المجروح و بيروتنا الحلوة و أهلها الرائعين، من كلمات و ألحان خيي و صديقي ري صفدي، وتوزيع الفنان الشامل مارك عبد النور، هو متل لفتة صادقة و دعوة للأمل ببكرا جديد لبيروت الموجوعة من الإبادة و هالاجرام اللي تعرّضتلو تا نقلها : لا تبكي يا بيروت يا بنت حلوة يا قلبو للبنان ... و بكرا نهار جديد.. رح ترجعي أكيد .

س: العمل فيه رسالة إلى أي مدى تأمل فيفيان بمستقبل مشرق للبنان؟!

ج: من قلب الوجع بدنا نضل نتأمل و نحلم بمستقبل أحلى و أجمل، مش رح نستسلم هيدي رسالتنا و مؤمنة بعد أفضل لأني لبنانية و بعرف حجم العزيمة و الإصرار بالنهوض من جديد  عند اللبناني .

س: روج البعض شائعة أن فيفيان تعرضت إلى أذى كبير جراء إنفجار المرفأ ، ما هو  حقيقة الأمر؟

ج: الحقيقة انا بخير و شفت الإنفجار بعيوني من نافذة صالة الرياضة من بيتي اللي بيطل عالمرفأ و الباقي ما بوقف عندو ، بشكر الرب على كل شي بكل الأزمات  و الله يرحم اللي سبقونا و يشفي كل حدا قال آخ من  هالإبادة.

س: شاهدنا بالكليب الخاص بأغنية "لا تبكي يا بيروت" مشاهد من آثار الانفجار إلى أي مدى أثرت تلك المشاهد بفيفيان ؟!

ج: هذه المشاهد شفتها عالأرض، نزلت شفت الوجع الحقيقي و اتألمت كتير و تغلّبني اليأس بوقتها و دمعتي ما وقفت، بس بالآخر الأمل بربنا موجود. 

س: إلى  أي مدى أثر الإنفجار والأحداث التي تجري بلبنان نفسياً على فيفيان ؟!

ج: نفسياً اتدمرنا كلنا متلنا متل الحجر اللي اتدمر... حالياً تحوّل الوجع لعزيمة أقوى للنهوض من جديد من او من تحت الردم

س:  هل تفكر فيفيان بالهجرة ؟!

ج: حالياً ما بفكر بالهجرة لأن عم بعطي نفسي الفرصة للنهوض من جديد نحنا و هالبلد الرائع و متطلب من الرب الفرج .

س:  كثيراً من الفنانين يتبرعون لضحايا إنفجار المرفأ  ويعرضون تلك المواقف عبر السوشيال ميديا هل أنتِ مع ام ضد عرض وتصوير تلك المساعدات ؟!

ج: انا مع عرض الفنان لمساعدتو بطريقة خفيفة ناعمة و سريعة مش مبالغ بعرضها ..تا بس يخدم الرسالة بنشر المساعدة للعالم المنكوبة .

س:  هل أنتِ مع عرض الفنان موقفه السياسي أمام الجمهور ؟!

ج: يجب على الفنان يكون عندو موقف وطني مش سياسي... ما لازم نكون مخلصين إلا للوطن.

س: جائحة كورونا ماذا غيرت بفيفان وماذا علمتها  ؟!

ج: عرفتني انو الشر مسيطر و الناس بعّدت عن الرب و ما عم تطلب رحمتو ، بالنسبة للحجر ما كتير تغيّر عليي لأني معروفة كتير بيتوتية و بحب البيت كتير بس أثّرت على سوء الحفلات خاصة انو شغلنا بيتعلّق بكل شي إسمو فرح.

س:  كيف تقضي فيفيان وقتها خلال جائحة كورونا ؟! 

ج: بالبيت او بالضيعة مع اهلي و صديقاتي المقربين ... بمضّي وقتي بالرياضة وسماع الموسيقى و شوية سوشيال ميديا...

فيفيان مراد مشاهير دنيا يا دنيا

أيضاً في هذه الحزمة