فيفي عبده: اللي يقول الرقص شغلانة غير شريفة يخليه في حاله

Dec 18, 2021

دافعت النجمة فيفي عبده عن مهنة الرقص من الهجوم عليها، وذلك خلال حلولها ضيفة على برنامج "حبر سري" الذي تقدمه أسما إبراهيم على شاشة "القاهرة والناس".
قالت فيفي عبده: "اللي بيقول الرقص مهنة غير شريفة يخليه في حاله وميتفرجش، واللي بيحب الرقص هو اللي يتفرج عليه، مفيش فرح في العالم مفهوش رقص ولا فن موجود في كل العالم مش مصر بس، والرقص لغة مش محتاجة ترجمة".
وواصلت فيفي عبده: أنا عانيت من نظرة الناس ليا، مع أن شغلتنا المفروض محدش يبصلها نظرة وحشة، والرقص زي البالية وفن زي أي فن، وأنا من ضمن الفن ده وهو وظيفتي.

إقرأ أيضاً: الفنانة مها أحمد مُتهمة بـ نشر "الفُسق والفجور"

ردت الفنانة فيفي عبده على من يقول إن الرقص مهنة غير شريفة، قائلة "مش كل الناس بيقولوا الكلام ده، واللي بيقول إنه شغلانة غير شريفة مالوش دعوة ويخليه في حاله، واللي بيحب الرقص يتفرج عليه لأن مفيش فرح مفيهوش رقص، ودي لغة مش محتاجة ترجمة على مستوى العالم، مش بس مصر، وأنا ست على مستوى العالم، مش بس بيحبوني في مصر، والناس لو اتفقت على رأي واحد كانت بارت السلع".
وأوضحت أنها عانت بسبب هذه المسألة، وأن الناس تنظر نظرة "وحشة" للرقص، متسائلة "نظرة وحشة ليه.. هو الباليه وحش ومش فن وأنا من ضمن الفن ده، وأنا لغة مش محتاجة ترجمة".

إقرأ أيضاً: وفاة الناشط السعودي محمد الشمري بحادث سير - فيديو

وقالت الفنانة فيفي عبده: "أنا ابتديت السلم من بدايته ومنطتش بقيت فوق وطلعت سلمة سلمة وتعبت وعانيت وكنت فقيرة وابتدى يبقى عندي فلوس أعيش عيشة أحسن شوية، وواحدة واحدة، ومأخدتش الحاجة مرة واحدة وطلعت صح، ابتديت فقيرة وبقيت متيسرة الحال، وعشت كل ما يمكن لحد يعمله في أي عيلة مصرية، واللي بيلاقي الحاجة على الساهل بتروح منه سهل لكن اللي بيتعب بيلاقي".
وتابعت: "أمي لما ربت ربت صح وانا مشيت صح زي ما أمي قالت لي وعودتني حتى لو أنا بشتغل في محل عند واحد، وأنا بعتبر نفسي في وظيفة وبعتبر نفسي موظفة وبشتغل وأروح بيتي واللي يعرفوني يعرفوا أن أخلاقي لم تتغير".
قالت الفنانة فيفي عبده، إنها لا تستطيع القول بإن الأموال التي اكتسبتها من خلال التمثيل والرقص “حرام”، موضحة أنها تبعد تفكيرها عن ذلك، لأن الجمهور عرفها منذ صغرها وهي تمثل وترقص: “مقدرش اقول إن الرقص او التمثيل حلال او حرام وأنا عملت كده وانا صغيرة وكبرت بفني والجمهوري عرفني”.

إقرأ أيضاً: 3 مشاهير تزوجوا من حب طفولتهم ... من بينهم محمد صلاح

وأضافت الفنانة الاستعراضية، “أبقى إنسانة غبية لو قولت إنها مش حرام، خلاص كبرت بيها، وبقيت فيفي عبده، مش هقدر أقول حرام وأتوب وما أتوبش، أنا بتعب في شغلي جدًا، وربنا هو اللي عالم هتوب امتى، مش هقدر أقول إنه حرام أو إني أتوب وأنا بعمل شغل وبتعب فيه والتوبة دي علاقة بيني وبين ربنا”.
واستكملت فيفي عبده: “تعرضت لمواقف حسد كثيرة بسبب اتقاني للعمل.. ساعات بيجيلي هسهس بسبب خوفي من تعرضي للحسد.. أنا باخد ملابس أي عمل بشتغله عشان خايفة من الأعمال ومبحبش حد يلبس لبسي الذي استخدمه في عملي”.